Telegramni firibgarlardan qanday himoya qilish mumkin?

Ikki bosqichli tekshiruv nima o‘zi?

Bu — Telegramga yangi telefon yoki kompyuterdan kirganda qo‘shimcha parol so‘raladigan tizim.

Ya’ni, kimdir sizning raqamingizga kelgan SMS kodni bilsa ham, maxfiy parolingiz bo‘lmasa, profilga kira olmaydi.

Firibgarlarga Telegramingiz nega kerak?

• Sizning nomingizdan pul so‘rash uchun;
• Yozishmalarni, rasm-fayllarni yoki hujjatlarni ko‘rish uchun;
• Telegram orqali olingan boshqa xizmatlarning bir martalik kodlarini o‘g‘irlash uchun;
• Profilingizdan foydalanib boshqalarni aldatish uchun.

Ammo sizda ikki bosqichli himoya yoqilgan bo‘lsa — ular uchun bu ish deyarli imkonsiz bo‘ladi.

Telegramingizda hozir kim “o‘tiribdi”?

Agar kimdir profilingizga kirganiga shubha qilsangiz:

1. Telegramni oching
   
2. Sozlamalar → Qurilmalar bo‘limiga o‘ting
3. Telegramingiz ochilgan barcha qurilmalar ro‘yxatini ko‘rasiz
   
4. Shubhali qurilmalarni darhol chiqarib yuboring.

Bu barcha shubhali kirish yo’llarini berkitadi. Shundan so‘ng, ikki bosqichli tekshiruvni yoqib qo‘ying.

Parolni unutib qo‘ysangiz-chi?

• Agar elektron pochtani ko‘rsatgan bo‘lsangiz, Telegram sizga kodni e-mailga yuboradi.
• Agar ko‘rsatmagan bo‘lsangiz — hisobni tiklash qiyinlashadi, shuning uchun bu bosqichni o’tkazib yubormang.